Ons verheerlik God, volg Jesus en maak Dissipels


 

Nuutste Nuus

 

Wie Is Logos?

Ons is ‘n kerkfamilie van Jesus volgelinge. Ons passie is om te sien hoe Jesus aanbid word in ons stad en onder al die nasies op aarde. Ons gee ons lewens om dit te sien gebeur. Vanuit Kaapstad fokus ons na Kwa Zulu Natal, vele lande in Afrika, die Midde Ooste, Indonesië, Indië, Nepal en Asië. Ons begeer om kerkplant bewegings te sien in plekke waar Jesus nog nie aanbid word nie.

Daar is drie liefdes wat ons definieer:

  • Ons is lief vir God
  • Ons is lief vir mekaar
  • En ons is lief vir die wat Jesus nog nie ken nie.

Om dissipels te maak wat weer ander dissipels maak is ons motto. Die gemeente bestaan uit ‘n netwerk van selgroepe wat as huisgemeentes versorgend funksioneer en as spanne uitreik na ander.

Die Woord van God bepaal ons lewe. Ons ontdek dit saam en help mekaar om daaraan gehoorsaam te wees. Die Heilige Gees is tussen ons. Ons is oop vir die Gees se werking in en deur ons. Ons is gewone mense wat God liefhet en saam dien.

Ons rus ander toe om ook te gaan. Ons het dissipelskap en kerkplant skole, Jesus wegbreke en diensjaar opleidings.